Биир  дойдулаахпыт  биллиилээх  суруйааччы  поэт,  прозаик,  публицист  Иван  Егорович  Федосеев - Доосо  олорон  ааспыт  олоҕун,  кини  айымньыларын  үөрэтии-чинчийии,  киэҥ  араҥаҕа  сырдатыы,  кэлэр  кэнчээригэ  тирииэрдии – биьиги  ытык  иэспит.  Ол  курдук Саха  респубикатын  президенин  ыйааҕынан  19 сылтан   биһиги  үөрэнэр  кыһабыт суруйааччы  үрдүк  аатын  чиэстээхтик  сүгэр.

              Мин  алаас  уолабын  диэн  поэт  киэн  тутта  эппитинии  кини  алаас,  төрөөбүт  дойду, айылҕа    туһунан  хоһоонноро  оҕо  сүрэҕэр  ордук  чугас,  өйдөнүмтүө. Доосо  хоьооннорун  биһиги  оҕолорбут  араас мероприятияларга,  конкурстарга  киэн  тутта  дорҕоонноохтук  ааҕаллар,  дьон сэргэ  биһирэбилин  ылаллар.  Ол курдук   Доосо  хоһоонноругар  Алаас  ахтылҕана  дьүһүйүү  улуус  оскуолаларын  күрэҕэр  гран при  үрдүк  аатын  ылбыта.  Суруйааччы  Холорук  сэһэнинэн  туруоруллубут  композиция  республиканскай,  улуснай  хоьоон  ааҕыытын  күрэхтэригэр  ситиьиилээхтик  кыттыбыта.  Доосо  хоьооннорун  биирдиилээн   иэйиилээхтик  ааҕан  Посельская  Милена,  Прокопьева  Күннэй  дьүүллүүр  сүбэ биһирэбилин  ылбыттара.  Сыл  ахсын  ийэ  тыл  күнүгэр  Доосо  хоһооннорун  ааҕыыга  алын  уонна  орто сүһүөх  кылаастарга  күрэх  тэрээһиннээхтик  барар. Оҕолор  поэт  хоһооннорун  олус  сөбүлээн  ааҕаллар.

              Доосону  үөрэтии  биир улахан  хайысхатынан  суруйааччы  олоҕун  үөрэтэн- чинчийэн,  айымньыларын, хоһооннорун  ырытан  араас  таһымнаах  научнай-  практическай  конференцияларга  кыттыы  буолар.  Бу  сылларга  биһиги  оҕолорбут   элбэх  дакылааты  суруйан  сырдаттылар.  Ол  курдук саха  тылын  учуутала  Осипова Л.А.  салайыытынан  Луковцева Лида “ Оҕо  кутун  туппут  суруйааччы”  ,  Осипова  Алена “ Ийэ  айылҕаҕа  сыьыан” , Корякина  Маша “ Ырыа  ыллыктаах  поэт” ,  Тарасова  Соня “ Алаас  сылаас  илгэтэ “ ;  Далбаева М.Н. салайыытынан Софронов  Афоня “ Доосо  айымньыларыгар  история  чахчылара” ,  география  учуутала  Борисова  А.Г.  салайыытынан  Корякин  Аял “ Алаастан  са5аламмыт  дойдуга  таптал”, библиотекарь  Сергеева  Н.Н.  салайыытынан  Посельская  Милена”  Доосо  о5олорго  аналлаах  кэпсээннэрэ”  ,  нуучча  тылын  учуутала  Андреева  М.В.  салайыытынан  Федоров  Арсен “ Тиит  мас. Доосо  поэзиятыгар “  диэн  чинчийиилэри  онорон  араас  сылларга   улуснай  ,  республиканскай  конференцияларга  ситиьиилээхтик  кыттыбыттара.

              Суруйааччыга  аналлаах  нэдиэлэлэр,  конференциялар  тиһигин  быспакка  буолаллар.  Биир  дойдулаахтарын  патриотическай  тыыннаах  айымньыларын  үөрэтэн,  чинчийэн  биьиги  оҕолорбут  төрөөбүт  дойдуларыгар  тапталлара  күүьүрэр,  тирэхтээх  буолар.

 

М.Н. Далбаева, саха тылын, литературатын учуутала